aiaraldea.eus

ELAk irabazi ditu hauteskunde sindikalak Tubos Reunidos enpresan

Erabiltzailearen aurpegia Aitor Aspuru Saez   Ekonomia  Amurrio

Aldaketa nabarmenak ekarri dituzte hauteskundeek Langile Batzordera. VTR desagertu da esparru horretatik eta ESK sindikatuak bi ordezkari izango ditu. LABek ere gora egin du eta CCOOk kontrakoa. UGT bere horretan mantendu da.

ELAk irabazi ditu hauteskunde sindikalak Tubos Reunidos enpresan
Azken urteetan mobilizazio ugari deitu du Langile Batzordeak, finantzazio arazoen ondorioz./ Aiaraldea.eus | Ikusi handiago | Argazki originala

Atzo izan ziren hauteskunde sindikalak Tubos Reunidos enpresan eta emaitzak hurrengoak izan ziren:

  • ELA: 8 ordezkari, 272 boto
  • UGT: 5 ordezkari, 141 boza
  • LAB: 4 ordezkari 129 boto
  • ESK: 2 ordezkari, 61 boza
  • CCOO: ordezkari 2, 52 boto

Osaketa berriak aldaketa garrantzitsuak sortuko ditu Langile Batzordean. 2015eko hauteskundeek sortutakoarekin  alderatuta, ELAk jarraituko du hegemonia izaten, nahiz eta 10 boto eta ordezkari bat galdu. UGT berdin mantenduko da eta LABek ordezkari bat gehiago izango du, 45 boto berri erakarri ostean.

ESK sindikatuak 2015eko bozketan ez zuen parte hartu, baina orain 61 boza eta 2 ordezkari erdietsi ditu. Aldiz, CCOOk 31 boto eta ordezkari bat gabe geratu da. Azkenik, VTR sindikatuak ez du ordezkaritzarik izango.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa