ELAk irabazi ditu hauteskunde sindikalak Tubos Reunidos enpresan

Aitor Aspuru Saez 2019ko azaroaren 5a
Deskargatu Info Ahotsak :

Azken urteetan mobilizazio ugari deitu du Langile Batzordeak, finantzazio arazoen ondorioz./ Aiaraldea.eus

Aldaketa nabarmenak ekarri dituzte hauteskundeek Langile Batzordera. VTR desagertu da esparru horretatik eta ESK sindikatuak bi ordezkari izango ditu. LABek ere gora egin du eta CCOOk kontrakoa. UGT bere horretan mantendu da.

Atzo izan ziren hauteskunde sindikalak Tubos Reunidos enpresan eta emaitzak hurrengoak izan ziren:

  • ELA: 8 ordezkari, 272 boto
  • UGT: 5 ordezkari, 141 boza
  • LAB: 4 ordezkari 129 boto
  • ESK: 2 ordezkari, 61 boza
  • CCOO: ordezkari 2, 52 boto

Osaketa berriak aldaketa garrantzitsuak sortuko ditu Langile Batzordean. 2015eko hauteskundeek sortutakoarekin  alderatuta, ELAk jarraituko du hegemonia izaten, nahiz eta 10 boto eta ordezkari bat galdu. UGT berdin mantenduko da eta LABek ordezkari bat gehiago izango du, 45 boto berri erakarri ostean.

ESK sindikatuak 2015eko bozketan ez zuen parte hartu, baina orain 61 boza eta 2 ordezkari erdietsi ditu. Aldiz, CCOOk 31 boto eta ordezkari bat gabe geratu da. Azkenik, VTR sindikatuak ez du ordezkaritzarik izango.

Ekonomia Amurrio
Erlazionatuak
Tubos Reunidos enpresak akordioa lortu du bere zorra ordaintzeko
Tubos Reunidos enpresak akordioa lortu du bere zorra ordaintzeko

Aitor Aspuru Saez 2019 eka 11 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide