Tubos Reunidos enpresak akordioa lortu du bere zorra ordaintzeko

Tubos Reunidoseko bi langile, fabrikaren atarian. / Aiaraldea.eus

Tubos Reunidos enpresak gaur jakinarazi du bere zorrari aurre egiteko akordioa lortu duela hartzekodunekin eta laster sinatuko dutela. Horren ondorioz, Balore Merkatuaren Batzorde Nazionalak bertan behera utzi du taldearen kotizazioa poltsan goizeko 09:00etan, 12:00ak arte.

Tubos Reunidos enpresak zabaldu du gaur ados jarri dela bere hartzekodunekin eta 350 milioi euroko zorra kitatzeko plana onartu dutela.

Ines Nuñez de la Parte administrazio kontseiluko idazkariak jakinarazi du idatziz informazioa. Enpresaren arabera, akordioak bermatuko du lantegien etorkizuna epe motz eta ertainean.

Hedabideek zenbait albiste idatzi dute azken egunetan eta adierazi dute entitate finantzarioekin adostasuna erdietsi dutela, bereziki, BBVArekin. Izan ere, BBVA da akzioen jabeetako bat eta hartzekoduna, aldi berean, eta ez zegoen prest bere gain hartzeko zorraren zati handi bat.

Gauzak horrela, 5 urtetan luzatuko zaio enpresari epea zor gehiena ordaintzeko eta horrek erraztasunak emango dizkio Tubos Reunidosi, kapitala handitzeko beharrera heldu gabe.

Sindikatuen erantzuna
Sindikatuek zuhurtziaz jaso dute albistea enpresaren egoera egonkortuko delako. Hala ere, langileen ordezkarien iturriek goraipatu dute zuzendaritzak konpondu duela zuzendaritzak berak sortutako arazoa.

Erakunde sindikalek nabarmendu dute administrazio kontseiluaren erabakiek eragin zutela zorra eta 3 urtez lan hitzarmenik gabe egotea enpresan. Hau da, langileek uste dute eurak izan direla kaltetuenak krisialdiaren ondorioz. Horrez gain, sindikatuek salatu dute ez zaiela akordioaren berri eman modu ofizialean.

Bestalde, sindikatuko ordezkariek ez dakite nola eragingo dien egoera berriak lan hitzarmenaren negoziazioan, batzuek uste baitute bankuek botere gehiago izateak ez duela ondorio onik izango.

Erlazionatuak

Tubos Reunidos taldeko zuzendaritza berria plana prestatzen ari da bankuekin, akzioak %35 jaitsi eta gero

Amurrio

Guillermo Ulacia zuzendariak pasa den astean bere ardurak utzi ostean, enpresen akzioek sekulako balio galera izan dute. Zuzendaritza berria bidera...
Guillermo Ulaciak Tubos Reunidoseko zuzendaritza utzi du eta akzioek %10eko balioa galdu dute

Amurrio

Jorge Gabiola izango da presidente berria, Carlos López de las Herasek hartuko ditu zuzendariaren ardurak eta Inés Núñe...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide