Amurrio Txirrindulari Elkarteak 50 urte beteko ditu 2020an eta urteurrena ospatzeko egitarau zabala eta interesgarria prestatzen ari da. Duela aste batzuk Mikel Landa gonbidatu zuten eta gaur, ordea, Aritz Arberas amurrioarra egongo da prest galderak erantzuteko.
Urtarrilaren 3an Lourdes Oyarbidek gauza bera egingo du ordu berean eta urtarrilaren 10ean, ordea, Abel Antonek.
Arberasek puntako txirrindularitzan lan egiten du, eta egun Astana eta Bahrain Merida taldeetako prestatzaile fisikoa da, baita Euskadi Fundaziokoa ere.
Txemi Kintana kazetariak bideratuko du elkarrizketa 19:00etatik aurrera Katekesi Aretoan eta twitter bidez galderak egiteko aukera zabaldu dute, parte hartzea sustatzeko. Aiaraldea hedabideak jadanik berea egin du.
Aritz Arberas @Arpax "Amurrio Txirrindulari Elkartearen" hurrengo hitzaldiko protagonista izango da. @Bahrain_Merida @AstanaTeam @FundaCiclisEusk taldeetako prestatzaile fisikoa abenduaren 27an, ostiralean, izango da Katekesi Aretoan arratsaldeko 7etan. Zure zain gaude.
— txemi kintana (@txemikintana) December 20, 2019
Galdera bat @Arpax-entzat, norekin egin behar izan duzu ahaleginik handiena zure gomendioak eta irizpideak jarraitzeko sasoian egoteko?
— Aiaraldea.eus (@aiaraldea) December 27, 2019