140 metroko horma bat kendu dute Amurrion Nerbioi ibaiaren ertz batetik

Lau metroko altuera zuen hormak. / Amurrioko Udala

Reforren parean egin da obra, eta helburua ibaiaren tarte hori “naturalizatzea” izan da. Dena den, horma goi-tentsiorako dorre baten zimendatze guneraino kendu da bakarrik, harresiak dorreari emandako defentsa mantentzeko.

URAk 140 metroko luzerako eta 4 metro altuerako horma bat kendu du Amurrion, Reforren pareko Nerbioi ibaiaren eskumako aldean, tarte hori “naturalizatzeko” asmoarekin.

Goi-tentsiorako dorre baten zimendatze guneraino dagoen zatia kendu da bakarrik, “dorrearen oinarriari ematen dion defentsa mantentzeko”. Hala adierazi du Amurrioko Udalak ohar baten bidez.  

Obra honek jarraipena egiten dio iragan irailean egindako beste obra bati. Ibaiaren zati bereko presa baten erdiko zatia eraitsi zuten orduan. Ibaiaren sakonera murriztu zen horrela, eta “habitataren aniztasuna" handitu zen. 

Horma kendu eta gero, ibilgua zaharberritu da ere, eskumako aldeari meandro forma emanda. Alde horretako erribera eta ibaiertza espezie autoktonoekin landatu dira. Oinezkoentzako bidea ordezkatu da ere, ibilgura hurbilduta, “oinezkoen eta Nerbioi ibaiaren lotura handiagotzeko”.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide