Ekoizpena etetea eskatu diote Tubos Reunidoseko langileek zuzendaritzari, segurtasun protokoloa bete arte

Tubos Reunidos enpresako lantegian segurtasun irizpideak ez direla betetzen ari uste dute sindikatuek. / Aiaraldea.eus

Tubos Reunidos enpresako langile batzordeak uste du ekoizpen jarduera bertan behera geratu behar dela, segurtasun eta prebentzio neurriak ez baitira betetzen ari.

Tubos Reunidos enpresan ordezkaritza duten sindikatuek testua bidali diote zuzendaritzari ekoizpena etetea exijitzeko.

Izan ere, langileen ustez, ez dira betetzen ari prebentziorako eta segurtasunerako irizpideak. Horren adibidea da, sindikatuem aburuz, ez zaiela jakinarazi zenbat koronabirus kasu egon diren lantegian ostiraletik.

Horrez gain, langile batzordeak adierazi du ez direla neurriak ezarri pertsona gehiago ez kutsatzeko. Ondorioz, instituzio publikoek iradokitako prebentzio protokoloa bete arte, sindikatuek uste dute ekoizpena gelditu behar dela, euren eta senideen osasunaren ongizatea bermatzeko.

Halaber, beharginen erakundeek proposatu dute krisialdi batzordea osatzea, langileak uneoro informatuta egon daitezen.

Sindikatuen asmoa da aste honetan bilera egitea zuzendaritzarekin erantzuna jasotzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide