27 pertsona zigortu dituzte Amurrion alarma egoerako araudia urratzeagatik

116 norbanako identifikatu dituzte udaltzainek. / Aiaraldea.eus

116 pertsona eta 272 ibilgailu identifikatu dituzte guztira. 

Amurrioko Udaltzaingoak 27 biztanle zigortu ditu dagoeneko alarma egoeran hartutako neurriak urratzeagatik. Egoera hasi eta lehenengo egunetan zehar, poliziak kaletik zebiltzan pertsonak identifikatzera mugatu zen, arauen inguruan informatzeko. Hortaz, zigorrak ezartzeaz gain, 116 pertsona eta 272 ibilgailu identifikatu dituzte orain arte. 

Udalak jakinarazi duenez, udaltzainak eguneko 24 ordutan egongo dira lanean, hiru txandatan banatuta. 

Arabako Foru Suhiltzaileek, euren aldetik, udalerriko hainbat eraikin desinfektatzen ari dira: nagusien egoitza forala, eguneko zentroa eta etxebizitza komunitarioak. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide