Enplegua erregulatzeko aldi baterako espedientea ezarri dute Valvospain-Ituarten

Valvospain-Ituarteko langileak, fabrikaren kanpoaldean.

Enpresa hartzekodunen lehiaketan dago iazko ekainetik, erosleen zain.

Enplegua erregulatzeko aldi baterako espedientea aurkeztu zuen Valvospain-Ituarteko zuzendaritzak astelehenean. Hiru hilabeteetako iraupena izango du espedienteak, ekainaren 23ra arte luzatuko baita (Lan zuzendaritzak onartu egiten badu betiere).

Hala jakinarazi du Enpresa Batzordeak. Komiteak azaldu duenez, hainbat neurri adostu zituzten zuzendaritzarekin koronabirusaren krisia hasi zenean, baina akordatutakoa betetzen ari ez zela jakinarazi zioten beharginek enpresari iragan astean. Gauzak hala, ekoizpenarekin jarraitzeko baldintza egokirik ez zegoela ondorioztatu zuten sindikatuek. “Iragan asteko asteazkenean, martxoak 18, zuzendaritzak tailerreko behargin guztiak etxera bidaltzea erabaki zuen, martxoaren 27ra arte, ordainduzko astebeteko baimen baten bidez. Bulegoko langileei, aldiz, telelana egiteko esan zieten”. Gauzak hala, enplegua erregulatzeko espedientea aurretik abisatu gabe eta alde bakartasunez ezarri izana egotzi diote langileen ordezkariek enpresari.

Langileek gogoratu dute enpresa hartzekodunen lehiaketan dagoela iazko ekainetik, eta une honetan likidazio fasean murgilduta dagoela, “enpresa erosiko duen inbertsoreren baten eskaintzaren zain”. Komitearen aburuz, egoera hori “kritikoa” da langileentzat, enpresaren etorkizuna bermatzeko langileen zati handi bat kaleratu behar dela defendatzen duelako zuzendaritzak.

Erlazionatuak

Greba bertan behera utzi dute Valvospain-Ituarteko langileek, zuzendaritzak euren eskaerak onartu dituelako

Erabiltzailearen aurpegia

Maiatzaren 30tik zeramaten langileek greba mugagabean eta asteartean itzuli dira berriz lanera. Fabrikak hainbat bankuri zor die dirua, eta horieta...

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide