Amurrioko Tokiko Gobernu Batzordea krisi kabinete bihurtzea eskatu du EH Bilduk

Amurrioko EH Bilduko bozermailea. / Aiaraldea.eus

Koronabirusak sortutako egoera larriari “guztion artean” aurre egiteko borondatea plazaratu du taldeak. 

Amurrioko Tokiko Gobernu Batzordea krisi kabinete bihurtzea eskatu du EH Bilduk, “koronabirusak sortutako krisi soziosanitarioa udalerrian eragiten ari diren ondorioei guztion artean aurre egin ahal izateko”. “Gobernantza onak, gardentasuna eta informazioa” eskatzen dituela gehitu du opozisioko taldeak ohar baten bidez.

Irune Iturbe zinegotziak adierazi du ordezkari gisa egiten ari diren lana “eredugarria” dela eta, krisiak iraun bitartean, arduratsuak izan behar direla gehitu du. Iturberen aburuz, krisi kabineteak ondorio ekonomiko-sozialak leuntzeko balio ahalko luke: “Krisi honen ondorioak arintzeko gure esku dauden neurri politiko guztiak hartu ahal izatea ahalbidetuko liguke”.

Gainera, udaleko larrialdietarako mahaian parte hartzea gustatuko litzaiekeela ere esan du zinegotziak, “ideiak eman ahal izateko, gure udalerrian gertatzen ari dena lehen eskutik ezagututa”. Amaitzeko, alderdiak Amurrioko herritarren eta udalaren esku jarraituko duela ziurtatu dute, egoera “ahalik eta ondoen” konpontzen saiatzeko.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide