Amurrioko EH Bilduk eskutitza bidali dio udal gobernu taldeari, ostiraleko ekoizleen azokak baimendu ditzan, Juan Urrutia plazan egiten direnak, alegia.
Koalizioak argudiatu duenez, alde batetik, lehen sektoreak "une delikatua" bizi du, eta laguntza behar du. Bestalde, gogoratu dute baserritarrek eta ekoizleek beharrezkoak diren elikagaiak saltzen dituztela, hau da, legeak ahalbidetuko lukeela.
???? Gaur, eskutitz bat idatzi diogu Alkateari ostiraletako merkatua mantentzeko eskatuz.
— EH Bildu Amurrio (@EHBilduAmurrio) March 30, 2020
???????? Segurtasun neurriak beteko dituen proposamen bat luzatu diogu, ekoizleekin kontrastatu dezan.
???? Guk elikadura burujabetzarekin bat, eta zuk?
EUS: https://t.co/MtwZHptnC4 @ehbilduaraba pic.twitter.com/gMQbfC0iMW
Hargatik, zenbait neurri ezartzea proposatu dute, bermatzeko segurtasun eta prebentzio irizpideak betetzen direla.
Edonola ere, momentuz, udal gobernu taldeak berretsi egin du bere jarrera. Aiaraldea Hedabideari jakinarazi dionez, hartutako erabakiak mantendu dira, eta azoka ez da egingo Covid-19 krisialdian.
Udalak gogoratu du, gainera, nahi duenak eskaerak etxetik egin ditzakela, banaketa zerbitzua jarri baitute ekoizleek abian:
????Amurrioko baserritarren merkatuko ekoizleek produktuen etxez-etxeko banaketa egiten dute.
— Amurrio Udala Ayto (@AmurrioUdala) April 3, 2020
????Hemen dituzu kontaktu guztiak ➡️ https://t.co/YlSxFziPwc pic.twitter.com/uDDJfScktT