Kultur sorkuntza Aiaraldean

Viernes 6 taldearen estreinako kontzertuaz gozatzeko aukera egon da Amurrion

Txabi Alvarado Bañares 2020ko irailaren 5a

Atzo -ostirala- eskaini zuen Viernes 6 taldeak bere lehen kontzertua, Amurrioko parkeko Guk eskulturaren aurrean. Dozenaka lagun bertaratu ziren emanaldira, antolakuntzak ezarritako segurtasun eta prebentzio neurriak beteta betiere.

Paula Barcelo, Ana Rojo, Imanol Velasco, Alex Yarza, Lucia Iturbe eta Oscar Guineak osatzen dute Viernes 6 taldea. Amurrioko Musika Eskolako ikasleak dira gehienak, eta hainbat abestiren bertsioak jotzen dituzte.

Amurrioko Udalak irailerako osatu duen kultur egitarauaren lehen ekintza izan zen atzoko kontzertua. Berez, Amurrioko Jaien datetan egingo zituzten ekintza guztiak, baina atzeratzea erabaki zuten azkenean, COVID-19aren balizko hedapena saihesteko.

Bihar -igandea- Tio Teronen Semeak dantza taldearen emanaldia egongo da arratsaldeko zazpietan, Juan Urrutia plazan. Astelehenean, aldiz, magia ikuskizuna egingo dute 19:30ean, toki berean.

Irailean egingo diren gainontzeko ekintzak hemen ikusi daitezke:

Kultura Amurrio

Erlazionatuak

“Txikitatik ezagutzen gara, eta musika gure pasioa delako osatu dugu taldea”

Txabi Alvarado Bañares 2020 abu 17 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide