Iker Larrazabalek bihar egingo du debuta Aimar Olaizolaren aurka

Erredakzioa 2020ko urriaren 17a

Iker Larrazabal udan jokatutako txapelketa batean. / Aiaraldea.eus

Bilboko Bizkaia Frontoian izango da norgehiagoka eta ETB-1ek eskainiko du telebistan.

Aurreratu dute Iker Larrazabalen debuta profesionalen artean, EAEko Auzitegi Nagusiak binakako pilota finala bertan behera utzi ostean.

Gauzak horrela, Olaizola II eta Urrutikoetxea ez dira lehiatuko Ezkurdia eta Martijaren aurka eta partida horien ordez, Olaizolak berak eta Endika Uriondok jokatuko dute Iker Larrazabalen eta Ander Imazen kontra.

Atzo jakinarazi zioten erabakia amurrioarrari eta ezusteko hitzorduak urduritsuna sortu dio. Izan ere, kirolariak azaldu du Olaizola "pilotari bikaina" dela. "Nire helburua izango da ondo pasatzea eta ahalik eta puntu gehien egitea".

Aurrelari lanetan ibiliko da gaztea eta ETB-1ean emitituko dute partida 17:00etatik aurrera.

Amurrion hurrengo astean

Berez, Iker Larrazabalen debuta Amurrioko frontoian izan behar zen eta, gauzak aldatzen ez badira, herrian jokatuko du hurrengo astean.

Kirola Amurrio

Erlazionatuak

Iker Larrazabalek debuta egingo du kategoria profesionalean Amurrion azaroan, Baiko enpresaren eskutik

Aitor Aspuru Saez 2020 urr 04 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide