8 urteko espetxe zigorra eskatzen diete Galder Barbado eta Aitor Zelaiari

Urtarrilaren 21 eta 22an izango da epaiketa, Entzutegi Nazionalean. Fiskala Altsasuko gazteen auzian egon zen berdina izango da. 

8 urteko espetxe zigorra eta 7 urteko baldintzapeko askatasuna eskatu ditu fiskaltzak Galder Barbado amurrioarrarentzat eta Aitor Zelaia Gasteiztarrarentzat. Duela ia bi urte atxilotu zituzten bi gazteak, material lehergarria zuen bidoi batekin harremana izatea egotzita. Sei hilabete eman zituzten preso, eta baldintzapeko askatasunean egon dira ordutik hona. 

Urtarrilaren 21 eta 22an izango da epaiketa, Madrilgo Entzutegi Nazionalean. Altsasuko gazteen auzian egondako fiskal berdina izango dute Barbado eta Zelaiak. 

Elkartasun dinamika

Gaur goizean aurkeztu da ANkerkeriari Stop! plataforma, bi gazteen aldeko elkartasun dinamika abiatzeko. Hainbat mobilizazio iragarri dituzte, eta atxikimendu kanpaina abiatu dute. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide