Madrilgo Auzitegi Nazioanalak martxoan epaitu zuen Marixol Iparragirre. Hedabideek zabaldutakoaren arabera, atzo jakinarazi zion auzitegiak ETA Militar erakundeko militante ohiari 39 urteko kartzela zigorra ezarri diola.
Epaitegiak uste du frogatutzat jo du Iparragirrek Estanislao Galindez postari amurrioarraren heriotza eragin zuen ekintzan parte hartu zuela. Hilketa eta auto bat lapurtzea -ekintzan baliatu zena- egotzi diote Marisol Iparragirreri. Iparragirrerekin, ETAko 3 kide zigortu dituzte jadanik Galindezen heriotzagatik.
Espetxealdiaz gain, emakumezkoak 300.000 euroko kalte ordainari aurre egin beharko dio, Estanislao Galindezen alargunari eta seme-alabei emango zaiena.
Iparragirrerekin, ETAko 3 kide zigortu dituzte jadanik Galindezen heriotzagatik
ETAko buruzagi ohiak 3 kartzela zigor jaso ditu aurten, denak luzeak. Aipatutakoaz gain, otsailean 122 urteko espetxe zigorra berretsi zion Espainiako Auzitegi Gorenak, 1995an Luciano Cortizo Espainiako armadako komandantea hiltzea leporatuta. Martxoan 61 urteko zigorra gehitu zion Espainiako Auzitegi Nazionalak 1994an eta 1995ean bi atentatu agindu izana leporatuta.
Guztira, 222 urteko zigorra ezarri diote Espainiako epaitegiek, 2019an Estatu Frantziarrak estraditatu zuenetik.
Estanislao Galindez
Amurrioko postariari dagokionez, Lekamañakoa zen jatorriz Estanislao Galindez, eta 8 seme-alaba izan zituen. 1985ko ekainaren 26an erail zuen ETAk Amurrion, Mendiko kalean. Hain zuzen, lanera zihoala tirokatu zuten 3 lagunek, 63 urte zituela.
Felix Galindez Estanislaoren anaia zen. Gizonezko hori ere hil zuen ETAk ia 4 urte lehenago, 1981eko uztailaren 25ean. Guardia Zibilaren informatzaileak izatea egotzi zien erakunde armatuak biei.
