Tubos Reunidoseko akziodunen batzarraren aurrean mobilizatu dira langileak, enplegu suntsiketa eta fabriken itxiera salatzeko

Txabi Alvarado Bañares 2021ko urr. 28a, 13:51

Lanuzteak egin dituzte Productos Tubulares eta Acecsa enpresetako kideek, lantegiak itxi eta lanpostuak suntsituko dituztela salatzeko. 

Ehundik gora langile batu dira gaur Bilboko Maximo Aguirre kalean. Bertan ditu bulegoak Tubos Reunidosek, eta akziodunen batzarra egin dute gaur. Horregatik joan dira bertara enpresa taldeko langileak, zuzendaritzak enplegua suntsitu eta lantegiak itxi nahi dituela salatzeko. 

Enpresa talde horrek hainbat lantegi ditu Euskal Herrian, Amurriokoaz gain. Horietako bat da Iruñeko Acecsa. 1970. urtean eskuratu zuen Tubos Reunidosek fabrika hori, eta azpiegitura Amurriora mugitzeko asmoa du orain, beharginek salatu dutenez. Bertako langileak egun osoko lanuztea egin dute atzo eta gaur, eta elkarretaratzera bertaratu dira, fabrika mugitzeak enplegu suntsiketa ekarriko duela salatzeko. 

Productos Tubulares lantegiko kideek, aldiz, gaur egin dute egun osoko greba. Ikasturte hasieran iragarri zuen zuzendaritzak Trapagarango altzairutegia ere Amurriora mugitzeko asmoa, eta horrek ere enplegu suntsiketa eragingo du, beharginen ustez. 

Horrez gain, bidezko hitzarmen baten aldeko aldarria ere plazaratu dute elkarretaratzean. 

Argazkiak: Tubos Reunidoseko LABen Sail Sindikala

Ekonomia Amurrio

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide