Aiaraldeko berdintasun topaketa egingo dute larunbatean Amurrion

Berdintasunaren aldeko eskualdeko mural bat. / Aiaraldea.eus

Guk sinesten dizugu lemapean egingo dute Aiaraldeko Berdintasun topaketa azaroaren 13an, Reforren. 

Aiaraldeko Berdintasun Zerbitzuek urteroko topaketa prestatu dute berdintasunaren alde. Aurtengo hitzordua azaroaren 13an izango da, larunbatean, Reforren. Makina bat jarduera egingo dituzte goiz osoan, berdintasuna ardatz hartuta. Dena den, indarkeria matxistaren kasuen lanketaz arituko dira goizaren zatirik handienean, "Hurbiletik bizi dugunean, zelan jokatu kasu baten aurrean?" gaiari helduko baitiote 11:00etatik aurrera. 

Autodefentsa feministari ere egingo diote tartea, 12:30etik aurrera. Topaketa bukatzeko, "erreparazio ekintza" proposatu dute.

Izen-ematea

Jardunaldia doakoa da, baina beharrezkoa da aurrez izena ematea. Horretarako bi  modu daude: cayala.miren@ayto.araba.eus posta elektronikora mezua bidaltzea, edo 686 587 889 telefonora deitzea.

Aiaraldeko Berdintasun Topaketa

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide