Komunikabideek jakinarazi dute atzo Marixol Iparragirre ETA erakundeko arduradun ohiak 15 urteko espetxe zigorra onartu zuela. Entzutegi Nazionalak epaitu zuen Amurrioko epaitegien kontra 1996an eginiko erasoagatik. Une horietan azpiegitura eraikitzen ari ziren eta atentatuaren eztandak kalte materialak baino ez zituen sortu.
Hala ere, 15 urteko espetxealdia egotzi diote emakumeari, "suntsidura terrorista" akusazioak baimentzen duen gutxieneko zigorra baita. Kargu horrek ez ditu baloratzen eztandaren txikizioa, baizik eta zartatzearen momentuan -1:00etan- norbaitek hortik igaroz hil ahal izan zela.
Zehazki, Iparragirrek aitortu du lehergailuak eta aginduak eman zizkiela kasu beragatik jadanik epaitutako ETAko bi kideri.
Eraso gehiago Amurrion
Epaitegiaren atentatuan modu zuzenean parte hartu ez zuen arren, Marixol Iparragirrek 39 urteko beste espetxe zigorra jaso zuen apirilean Estanislao Galindez hil zuen erasoan parte hartzeagatik.
Jadanik ETA Militar erakundeko militanteak 200 urteko espetxealdia metatu du azken urteetan izandako epaiketetan. Aurretik, Estatu Frantsesean zigorra bete zuen, 2019an espainiaratu zuten arte.