UDAL AURREKONTUEN EZTABAIDA

14 neurri proposatu ditu EH Bilduk Amurrioko Udal Aurrekontuei begira, berraktibazio ekonomikoaren, trantzitsio energetikoaren eta zaintzaren alorretan

Amurrioko EH Bilduko kideak, artxibo irudi batean. / Aiaraldea.eus

800.000 euro baino gehiagoko inbertsioak egin beharko lirateke neurri horiek ezartzeko, koalizioak kalkulatu duenez. 

Udal aurrekontuen eztabaidak okupatzen ditu Amurrioko talde politiko instituzionalak. Orain Amurriok astelehenean plazaratu zuen prentsa oharra bere jarrera azaltzeko, eta berdina egin du orain oposizioko talde nagusiak: EH Bilduk. 

Koalizioak 14 neurri proposatu ditu guztira, 800.000 euro baino gehiagoko inbertsioak egitea ekarriko luketenak. “Amurrio berreraikitzeko oinarriak finkatzea” da proposamenen xedea, talde politikoko kideek azaldu dutenez.

“Egoera larria da, baina trantsizioa beharrezkoa da, eta krisi-une hau baliatu behar dugu udalerria printzipio sozioekonomiko berrietara aldatzeko”, azaldu du Mariano Alava zinegotziak. 

Hiru esparrutan eragin nahi dute 14 neurri horiekin: suspertze ekonomikoan, trantsizio energetikoan eta zaintzen eremuan. 

Hauek dira planteatu dituzte egitasmoak: 

  • Amurrio deskarbonizatzeko azterlana (30.000 euro). 
  • Arropa birziklatzeko kanpaina (30.000 euro).
  • Izarza eta Aresketamendi berreskuratzeko proposamena (100.000 euro). 
  • Mugikortasun elektrikoa errazteko karga-puntuak (25.000 euro).
  • Landakotik tren-geltokirako sarbideen hobekuntza (10.000 euro).
  • Udal liburutegian ikasteko gelak egokitzea (150.000 euro).
  • Zabaleko eskolan inbertsioak: , frontoiko hezetasunak berrikusi eta konpontzeko, aldagelak, bainugelak eta dutxak egokitzeko, sistema elektrikoa konpontzeko eta dagoen jantokia egokitzeko  (200.000 euro).
  • Gazteen emantzipazioa errazteko laguntzak (90.000 euro).
  • Ekintzailetzarako laguntza-lerroa sortzea (20.000 euro).
  • Zaurgarritasun egoeran dauden pertsonei energia-gastuak eta oinarrizko premiak ordaintzeko bonu espezifikoak sortzea (25.000 euro). 
  • Sortzaileei laguntzeko diru-partida (20.000 euro).
  • Antzokiaren eskaintza handitzea (30.000 euro). 
  • Zaurgarritasun-egoeran dauden adinekoak detektatu, bideratu eta artatzea eta Udaleko Lanpostuen Zerrendan euskara-teknikari lanpostu berri bat sortzea (50.000 euro). 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide