EGUNERAKETA

Lasterketa herrikoia egongo da Amurrioko Krosaren III. edizioan

Aimar Gutierrez Bidarte 2021eko azaroaren 19a

Bi urteko etenaldiaren ostean, abenduaren 12an ospatuko dute Amurrioko Krosaren III. edizioa. / Aiaraldea.eus

Abenduaren 12ko zitan Euskadiko Txapelketa hartzeak ezinezkoa egiten zuen, hasiera batean, proba herrikoia ere antolatzea. Baina azken unean egindako ordutegi aldaketa batek lasterketa egiteko aukera eman die Oinkariak Atletismo Taldeko kideei.

Hasiera batean kontrakoa zirudien arren, lasterketa herrikoia egongo da abenduaren 12an ospatuko den Amurrioko Krosaren III. edizioan. Aurtengo edizioak Euskadiko Txapelketa hartuko du. Hori dela eta, proposatutako ordutegiekin bateraezina zen proba herrikoia.

Baina Euskadiko Federazioak hainbat aldaketa egin ditu eguneko ordutegian, eta Oinkariak Atletismo Taldeko kideek iragarri dute azkenean aukera egongo dela ohiko lasterketa herrikoia ere egiteko. Taldeko kideek pozez jaso dute albistea.

Zita 9:45ean izango da, master federatuekin batera. Lasterketa mistoa izango da, eta kirolariek 5.200 metroko zirkuitua osatu beharko dute. Esteka honetan egin daiteke izen ematea honezkero. Inskripzioak 3 euroko kostua izango du, eta egunean bertan egin beharko dute atletek ordainketa, dortsala jasotzearekin batera.

Horrenbestez, horrela berritu dira Amurrioko III. Krosaren ordutegiak:

Kirola Amurrio

Erlazionatuak

Euskadiko Txapelketa hartuko du Amurrioko Krosaren III. edizioak

Aimar Gutierrez Bidarte 2021 aza 02 Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide