Bi zauritu Amurrion gertatutako trafiko istripuan, AP-68an

Erredakzioa 2021eko abenduaren 7a
Deskargatu Info Ahotsak :

Garabia bertaratu da autoak eramateko. / Arabako Foru Suhiltzaileak

Bi autok elkarren aurka egin dute talka goizeko azken orduan. 

Istripua jazo da gaur goizean AP-68 errepideko 23. kilometroan, Amurrion, Bilborako norantzan. Bi autok elkarren artean talka egin dute eta bi pertsona zauritu dira kolpearen ondorioz. 

Larrialdi zerbitzuek 11:50ean jaso dute abisua. Suhiltzaileak bertaratu dira egoera bideratzera. Errepidearen zati bat moztu dute, baina egoera bideratua dago dagoeneko. Basurtuko ospitalera eraman dituzte bi zaurituak, Ertzaintzak Aiaraldea Komunikabideari jakinarazi dionez.

Gaurkoa ez da AP-68 autobideko Aiaraldeko zatian azkenaldian gertatu den istripu bakarra. Iragan azaroaren 24an auto bat bidetik atera zen Orozkon, eta barruan zegoen pertsona zauritu zen.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide