Hilabeteko sukalde lanaren ondoren, gaur aurkeztu dute Amurrioko Emakumeon* Sarea. Egitasmoak udalerriko emakumeak elkartu eta "bizitzeko beharrak definitzeko" prozesu parte hartzailea abiatzea du helburu. Amurrioko Mugimendu Feministak sustatu zuen hasiera batean ekimena, eta bidean sektore eta jatorri desberdinetako emakumeekin eraiki dute elkarlana.
2021ean, Amurrioko Udalak Emakumeen Etxea gauzatzeko mahaigainean jarritako proiektua alboratu zuen Amurrioko Mugimendu Feministak, proiektu horren bidean hartutako erabakiak mugimendu feministaren, eta oro har, herriko emakumeen bizkar hartuak zirela egotzita. Mugimendu Feministak prozesu parte-hartzaile "erreal" baten beharra azaleratu zuen, eta hau bultzatzeari ekin zion.
Horrela sortu zen, gaur aurkeztu duten Amurrioko Emakumeon* Sarea. Herriko emakume ororentzakoparte hartze espazioa izatea dute helburu, hauen beharrak identifikatu, eta, aurrera begira behar horiek asetuko dituzten tresnak diseinatzeko.
Bilerak hilabetero
Hilabeteko lehenengo astelehenetan elkartuko da Amurrioko Emakumeon* Sarea aurrerantzean, arratsaldeko 17:00etan Etxegoiengo gelan.
Aurrera begira tailer eta hitzaldi espezifikoak eskainiko dituzte ere, Emaginekin elkarlanean, beste toki batzuetan garatutako parte-harzte esperientziak bertatik bertara ezagutzeko asmoz. Bide horretatik sareko kideak formatu, eta sarea bera herriko subjektu politiko aktibo bilakatzeko.