Amurrioko Hezkuntza Publikoaren Sareak euskal eskola publikoaren aldeko aldarria bilakatu nahi du bere kilometroa Korrikan

Aitor Aspuru Saez 2022ko martxoaren 19a
Deskargatu Info Ahotsak :

Iazko maiatzean sortu zuten plataforma eta hainbat mobilizazio gauzatu dituzte jadanik. / Z. B.

Plataformak oharra zabaldu du jendeak pankartak eraman ditzan bere kilometroan, euskal eskola publikoaren defentsan.

Amurrioko Hezkuntza Publikoaren Sarea plataformak kilometroa izango du aurtengo Korrikan. Elkartean aritzen diren kideek mezua zabaldu dute jendea batu dadin. Hain zuzen, "Amurrioko hezkuntza publikoaren aitortza" bilakatu nahi dute euren espazioa.

Horretarako, interesdunei proposatu diete pankartak eramatea euskal eskola publikoaren aldeko mezuekin. Berez, Zabaleko Bizirik! plataformak Amurrioko Hezkuntza Publikoaren Sarea osatu du beste eragile batzuekin batera, eta horren barruan zabaldu dute deialdia.

Sarearen eskariak testuinguru bikoitza dauka. Alde batetik, Zabaleko Ikastetxea ez ixteko exijentziarekin jarraituko dute. Bestetik, Eusko Legebiltzarrak onartu behar duen hezkuntza akordio berria izango dute jomuga. Mahai gainean dagoen akordioak hautsak harrotu ditu alderdien artean, baina baita hezkuntza komunitatean. Horregatik, ELA, LAB, STEILAS eta CCOO sindikatuek greba egingo dute martxoaren 25ean.

Hezkuntza Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide