Arabako Bertsolari Txapelketak aurki hasiko du bere bidea. 2022. edizioak 30 bertsolari izango ditu norgehiagokan, horien artean 3 aiaraldear: Unai Mendibil Etxebarria larrinbearra, Iñaki Cabeza Conejo amurrioarra eta Asier Rubio Hidalgo luiandoarra. Aurten, gainera, lehenbiziko bi geltokiak eskualdean egingo ditu txapelketak. Izan ere, aurkezpena Faktorian egin zuten martxoaren 19an, eta lehenbiziko saioa Amurrion jokatuko da ostiral honetan. Hain zuzen, Kultura Etxeak jasoko du aurreneko final zortzirena, 20:00etan. Ondorengo bertsolariak ariko dira kantuan:
- Iñaki Viñaspre Simon (azken txapelduna)
- Paula Amilburu Izargarai
- Unai Anda Delika
- Xabier Antia Zuaznabar
- Eukene De los Aires Amundarain
- Aitor Najera Saez de Vicuña
Sarrerek 2 euroko rezioa izango dute bazkideentzat, eta 3€ balioko dute gainontzekoentzat. 16 urtetik beherakoek doan gozatu ahalko dute emanaldiaz. Txartelak bertan erosteko aukera eskainiko du Arabako Bertsozale Elkarteak, baina www.bertsosarrerak.eus webgunean ere eskura daitezke.
Eskualdeko bertsolarien saioak
Asier Rubio hidalgok apirilaren 3an, igandean, abestuko du Trebiñun, 17:30ean Gizarte Etxean. Xabi Igoa Eriz, Andere Arriolabengoa Amenabarro, Irati Anda Villanueva, Oier Arbina Vadillo eta Danel Herrarte Nafarrate izango ditu kantukide.
Unai Mendibil Etxebarriak eta Iñaki Cabeza Conejok, berriz, apirilaren 9an izango dute saioa, Langraitzeko zentro soziokulturalean. Peru Abarrategi Sarrionandia, Felipe Zelaieta Txurruka, Maddi Agirre Epelde eta Markel Yoller Lopez de Arroyabe ere igoko dira oholtzara eurekin.
Martxoaren 19an aurkeztu zuten Faktorian 2022ko Arabako Bertsolari Txapelketa. 2017an ere burutu zuten agerraldia eskualdean, Aretan hain zuzen:
