Tubacexeko jaiaren bazkari gonbidapenak eskuragarri daude jadanik

Aitor Aspuru Saez 2022ko maiatzaren 20a
Deskargatu Info Ahotsak :

Tubacexeko kaleratzeen kontrako mobilizazio ziklo handia egon zen iaz. / Aiaraldea.eus

Amurrio eta Laudioko Kultura Etxeetan eskatu daitezke doako gonbidapenak ekainaren 18ko jaian parte hartzeko.

Ekaineran 18an Tubacexeko langileen jaiak 500 laguni emango die bazkaltzen eta jadanik gonbidapenak lortzeko aukera dago. Txartelak Laudioko eta Amurrioko Kultura Etxeetan utzi dituzte antolatzaileek eta ohiko ordutegietan jaso ahalko dira. Ekainaren 11a izango da hori egiteko azken eguna.

Helduentzako menua paella izango da. Umeentzat, aldiz, makarroiak eskainiko dituzte. Postrean euskal pastela aterako dute eta ohiko edariak egongo dira, kafea barne. Adinez nagusiak direnek bakarrik beharko dute gonbidapena, haurrek ez. Rakatapla taldeak prestatuko du otordua.

Ekaineran 18ko egitaraua hurrengoa izango da:

  • Parkean 11:00etatik 13:30ak bitartean umeentzako jolasak egongo dira, Kirikino Aisialdi Taldeak antolatuta.
  • 14:30ean herri bazkariaren ordua helduko da Matias Landaburu ikastetxe zaharreko jolastokian.
  • Azkenik, Juan Urrutia plazan,  Cuatro Bancos, Gwa Ya, Chiki Lora eta Aiaraldeko Sound System taldeek kontzertua eskainiko dute 21:00etatik aurrera.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide