Sarai Goitia gazte lekeitioarrak salaketa jarri du Bilboko Gau eta Eguneko Epaitegian gaur. Horren arrazoia izan da Galder Barbado amurrioarrari lotutako dei anonimoak jaso dituela. Bere abokatu Oscar Sanchezek Aiaraldea Komunikabideari azaldu dio gutxienez hiru dei jaso dituela, eta bietan galdetu diotela ea Barbado berarekin zegoen eta ezagutzen duen.
"Deiak egin dituztenek ez dute euren burua aurkeztu, zuzenean galdetu diote ea gazte amurrioarra berarekin zegoen une horretan" erantsi du Sanchezek.
Horrez gain, ezezagunen presentzia ere sumatu du inguruan Goitiak. Adibidez, norbaitek "Hola" margotu dio bere autoan errotuladore batekin. Gazteak erantsi du berak ez ezik, beste kide batzuek ere jaso dituztela horrelako presioak Galder Barbado non dagoen galdezka.
Goitiak erabaki du epaiketara jotzea deiak eta ezezagunen presentzia biderkatu direlako Galder Barbadok berak Guardia Zibilak kolaborazio eskaintza egin ziola publikoki salatu zuenetik.
Oscar Sanchez abokatuak aipatu du deiak egin dituzten telefono zenbakiak jaso dituztela salaketan, ikertu dezaten nork egin dituen.
Sara Goitiak bere militantzia politikoarekin lotu ditu gertakariak:
"Argi dago haien helburua militante politikoak urduri jartzea dela, bereziki Galder eta Aitorren ingurua. Gure hautua: antolakuntza eta borroka"
— ANkerkeriariStop (@ANkerkeriaSTOP) June 6, 2022
Aitor, Galder edo Sarairekin ikusi bezala, euskal gazteriaren aurkako ankerkeria honek ez du mugarik.
Eutsi gogor, Sarai! pic.twitter.com/WGygpoPEC5