Elkarretaratzea egingo du Mendiko Eskolako hezkuntza komunitateak ostegunean, gela baten itxieraren kontra

Pasa den asteko mobilizazioaren irudia. / Aiaraldea.eus

Ostiralean ikastetxean bertan mobilizatu zen hezkuntza komunitatea eta ostegunean Juan Urrutia plazan egingo dute protesta, Eusko Jaurlaritzak 3 urteko umeen gela bat itxi nahi baitu 2022-2023 ikasturteari begira.

Mendiko Eskolako hezkuntza komunitateak -zuzendaritzak, guraso elkarteak, irakasleek, haurrek...- mobilizatzeari ekin zion pasa den astean, salatzeko Eusko Jaurlaritzak 3 urteko gela bat ixtea aurreikusi duela hurrengo ikasturtean. Gela bakoitzean sar daitezkeen ume kopurua muturrera eraman eta 23 ikasle sartu nahi dituzte 2022-2023 kurtsoan, eta izena eman duen beste haur bat beste ikastetxe batera bideratu nahi dute, Mendiko Eskolako kideek nabarmendu dutenez.

Berez, Hezkuntza Sailak iragarri du 2023-2024 ikasturtean ikasleen ratioak murriztuko direla gelak ez ixteko, jaiotza datuak jaitsi baitira EAEn. Hortaz, guraso batek honakoa adierazi dio Aiaraldea Komunikabideari: "Gure beldurra da behin gela hori itxita, lerro berririk ez irekitzea eta bitarteko gutxiago egotea betiko Mendikon. Bestela ez da ulertzen Jaurlaritzaren erabakia".

Gauzak horrela, Mendiko Eskolako komunitateak ekimen berria deitu du eta ekainaren 9an, osteguna, elkarretaratzea egingo dute Juan Urrutia Plazan, 19:00etan.

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide