ARGAZKI KRONIKA

Giro beroa eta jendetza elkartu ditu Baranbioko XIV. Ahuntz Egunak

Izar Mendiguren Cosgaya 2022ko ekainaren 12a
Deskargatu Info Ahotsak :

Garrastatxuko ermitan izan da Ahuntz Eguna. Eguraldia lagun, baserritar eta herritar asko igo dira abereak ikusi edota erostera.

8:15ean hasi da Baranbioko XIV. Ahuntz Eguna. Ahuntzak izan dira protagonista nagusia, eta goiz osoan zehar Garrastatxuko zelaiak hartu dituzte abeltzainek, euren ahuntzak tarteko. Euskal Herri mailako txapelketa izan da Baranbiokoa, eta hainbat txokotatik etorri dira abeltzainak lehiatzera.

Euskal Herriko txapelketa izan da Baranbiokoa, eta hainbat txokotatik etorri dira abeltzainak lehiatzera

Hain zuzen, 13:00etan egin dute pisaketa, eta 14:00etan ekin diote sari banaketari. Aberea baloratzerakoan pisua, adarrak, kanpoko itxura, azala, arraza edota lotea hartzen dira kontuan, besteak beste. Herri bazkaria egon da egunari amaiera emateko.

Goizeko lehen orduan, berriz, Garrastatxuko mendi ibilaldian parte hartu dute 50 lagun baino gehiagok. Goiz osoan zehar giro beroa izan da nagusi Garrastatxuko zelaiguneetan, eta kotxez gainezka egon da bertara ailegatzeko bidea.

Kultura Amurrio Baranbio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide