Mendi ibilaldia antolatu zuten igandean Baranbion, Ahuntz Egunaren testuinguruan. Garrastatxuko Askatasun Mendi Martxa datorren urtean berreskuratuko dute, antolatzaileek iragarri dutenez.
Garrastatxu eta Amediano elkartu zituzten igandean 50 lagun baino gehiagok oinez. Hain zuzen, Ahuntz Ibilbidea deiturikoa osatu zuten, 8:30ean abiatuta. Guztira, ia 11 kilometroko zeharkaldia egin zuten, eguraldi ona lagun. Ondoren, Garrastatxuko ermitan kokatutako ahuntz ferian eta festan parte hartzeko aukera izan zuten bertaratutako lagunek.
Garrastatxuko Martxako antolatzaileek sare sozialetan aurreratu dutenez, datorren urtean berreskuratuko dute Askatasun Mendi Martxa: "Aurreko hilabeetan izandako egoera dela etaegin nahi izango genukeen mendi martxa ezin izan dugu antolatu. Aurten mendi ibilbide bat egingo dugu. Hurrengo urtean mendi martxa!".
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide