Nagusilan, Amurrio Trail eta Txirrindulari Kluba izango dira Amurrioko Jaietako pregoilariak

Nagusilanek jaso du aurten Urrezko Guk saria. / Aiaraldea.eus

La Furia eta Betto Snay musikariak batu ditu Udalak kontzertuen kartelera. Tokiko erakundeak txosna solidarioa jarriko du Mendiko Eskolako kontzertu-gunean, Amurrio Trail Taldearekin elkarlanean.

Berezia izango da Amurrioko Jaietako aurtengo pregoia, hiru eragileren artean irakurriko dutelako: Nagusilan, Amurrio Trail eta Txirrindulari Kluba. “Azken biek ez zuten pregoilari izateko aukerarik izan zegokien garaian, COVID-19aren pandemiaren ondorioz jaiak bertan behera geratu zirelako, eta horregatik, Nagusilan Amurrioren, 2022ko Urrezko Guk saridunaren, gonbidapena jaso dute une berezi hau elkarrekin bizitzeko”. 

Hala azaldu du Udalak ohar baten bidez. Jaiei buruzko hainbat xehetasun ere aurreratu ditu tokiko erakundeak. Zehaztu dutenez, jaietako kontzertu nagusietako batzuk Mendiko Eskolako jolastokian egingo dituzte, eta txosna ere egongo da bertan, Amurrio Trail Taldeak kudeatutakoa. Txosna solidarioa izango da, X Hauskorraren Sindromearen Euskadiko Elkartera bideratuko baitute bertan bildutako dirua. 

Musika eskaintza

Udalak apirilean jakinarazi zituen jaietan joko zuten taldeetako batzuk, Celtas Cortos eta Chill Mafia kasu. Orain, baina, beste bi musikari batu dituzte kartelera: La Furia, Betto Snay. DJ eskaintza zabala ere eman dute aditzera: DJ Markelin abuztuaren 12an arituko da Juan Urrutia plazan, 13an DJ Gomiren txanda izango da,  14an Disko Sound 4-rena  16an DJ Rubarena. 

LAGUN AGURGARRIA:

Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide