Azken orduko aldaketa egin dute Euskotarrakeko kideek abuztuaren 12ko bazkariaren planteamenduan. Otordua Laudion egitea zen kuadrillaren hasierako plana, baina Amurrion gauzatzea erabaki dute azkenean, "jende askok" hala eskatu duelako. "Batzuetan, beharrezkoa da proposamenak entzutera gelditzea, egiten ari garena zuzena den edo hobetu dezakegun baloratzeko", adierazi dute jai-taldeko kideek sare sozialetan.
Gauzak hala, Frontoi kalean egingo dute azkenean kuadrillaren bazkaria, katering zerbitzua baliatuta. Prezioa 18 eurokoa izango da, hasieran baino 8 euro merkeagoa. Gauzak hala, jada ordaindu dutenei diru kopuru hori itzuliko diete.
Oraindik izena eman ez dutenei, aldiz, "festan parte hartzeko gonbita" luzatu diete. Izena emateko epea luzatu dute horretarako: larunbatera arte -abuztuak 6- egongo da tartea, karrozak egiten diren tokira bertaratuta. Horrez gain, Instagram, Facebook edo WhatsApp (671804349) bidez ere jarri daiteke kuadrillarekin harremanetan, edozein zalantza argitzeko.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
