Megatecheko lan hitzarmen berrirako aurrepausorik ez da egin eta lanuzteak deitzeko atea zabalik dago

Aitor Aspuru Saez 2022ko irailaren 9a
Deskargatu Info Ahotsak :

Momentuz ez dute lanuzterik egin Megatechen, baina horren aldeko apustua egin zuten langileek ekainean. / Aiaraldea.eus

Atzo bildu ziren Megatecheko zuzendaritza eta langileen ordezkaritza eta lan hitzarmen berria sinatzeko akordiorik lortu gabe jarraitzen dute. Ekainean enpresako beharginek adostu zuten mobilizazioak egitea irailean, adostasunik ez bazegoen arlo horretan.

Atzo elkartu ziren berriro Megatech konpainiako arduradunak eta sindikatuen ordezkariak eta alde sozialaren balorazioa ez da bat ere positiboa izan. Hain zuzen, enpresa batzordeak gogoratu du duela urtebete eta bederatzi hilabete iraungi zela lan hitzarmena eta konponbidea ez dagoela hurbilago.

Berez, sindikatuek exijitzen dute, besteak beste, erosteko ahalmena ez galtzea -aintzat hartuta azken hilabeteetako prezioen gorakada- eta enpleguaren bermea. Ordea, orain arte ez dute ez bata ez bestearen aldeko erantzun positiborik jaso Megatecheko zuzendaritzaren aldetik.

Mobilizazioak?

20 bileren ondoren, bi aldeek hitzordua izango dute asteartean, irailaren 13an. Sindikatuek adierazi dute prest daudela behar beste batzar egiteko, baina, aldi berean, azpimarratu dute ekainean langileek lanuzteak egiteko hautua hartu zutela irailera begira.

Gainera, enpresa batzordeak goraipatu du barruan duten batasun sindikala, atzo aho batez eman baitzioten ezezkoa Megatecheko proposamenari.

Ekonomia Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide