Agerraldi bateratua egin dute Otsemeak Neska* Gazte Taldeak eta Amurrioko Emakumeen Sareak duela aste batzuk herriko udaltzain batek sare sozialetan zabaldutako mezu matxistak salatzeko. Erasotzat jo dute gertatutakoa, eta azaroaren 25ean egingo duten mobilizaziora batzeko deia egin dute.
San Anton plazan agerraldi bateratua egin dute Otsemeak Neska* Gazte Taldeak eta Amurrioko Emakumeen Sareak, duela aste batzuk herriko udaltzain batek Instagram sare sozialean zabaldutako mezu matxistak deitoratzeko. Amurrioko Udalak udaltzainei formazioa eskainiko diela iragarri arren, gisa horretako eraso matxistak salatzeko beharra azpimarratu du Amurrioko mugimendu feministak.
Oso larritzat jo dute, Udala indarkeria matxistaren aurkako protokolo bat onartzeko bidean dagoen honetan, horrelako mezu matxistak zabaltzen dituzten udaltzainak izatea protokolo horretako pieza nagusietako bat. "Paperetik harago" doazen eta neurri konkretu eta integralak dituzten protokoloak exijitu dituzte. Hori dela eta, mobilizatzen eta antolatzen jarraituko duela aldarrikatu dute Amurrioko eragile feministek.
Bide beretik, datozen azaroaren 25ean Amurrioko Juan Urrutia plazatik aterako den mobilizazioan parte hartzeko gonbita luzatu diete udalerriko emakume guztiei.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide