Asteburuan zabaldu ditu Arabako EH Bilduk zenbait udalerriko zerrendabururen izenak udal hauteskundeetara begira. Eskualdeari dagokionez, Artziniega eta Amurrioren alkategaiak zeintzuk izango diren azaldu dute. Artziniegan Joseba Vivancok errepikatuko du eta Amurrion, ordea, Jon Berganzak izango du alkatetza eskuratzeko ardura.
Indarrean dagoen legealdian Jon Berganza zinegotzia da Amurrion eta koalizioko ordezkaria da ere Aiarako Kuadrillan. EH Bilduren aurreko hauteskunde zerrendetan bosgarren postua hartu zuen. Hurrengo urteko bozketetan, ordea, alkategai izango da, Iñaki Ibarluzearen tokia hartuta. Hautaketa prozesuari dagokionez, erakundeak proposatu zien izena bere oinarriei eta hauek berretsi dute hautagaitza.
Berganza 1983an jaio zen, Herri Lanetako ingeniari teknikoa eta Bide, Ubide eta Portuetako ingeniaria. Laneko Arriskuen Prebentzioko masterra ere badu eta administrazioan lan egiten du. Amurrioko herrigintzari dagokionez, Amurrio Skaut Taldean aritu da hainbat urtez.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
