Arrakastatsua izaten ari da Babio Igoera Non-stop ekimenaren aurtengo edizioa. Aurten ohikoan baino lehenago abiatu dute ekimena. Goizeko bederatzietan DBH 3. mailako dozenaka ikasle abiatu dira Babiora, aulki egokituan zihoan pertsona bat laguntzen.
Ekimenaren hasiera "ofiziala", aldiz, arratsaldean izan da. 18:00etan ehunka lagun bildu dira Juan Urrutia plazan, elkartasun egitasmoari hasiera emateko. Orduan abiatu dute erronkaren ohiko dinamika: orduro antolatuko dituzte irteerak mendi tontorrera, bihar goizera arte. Baina gaua aurreko urteetan baino animatuagoa egongo dela aurreikusi daiteke. Izan ere, antolatzaileek elkartasun txosna jarri dute plazan, eta Akerbeltz erromeriak kontzertua eskaintzeari ekin dio gaueko hamarretan.
Bihar 10:00etan izango da azken igoera eta, ohikoan bezala, jendetsuena izatea espero da. Babion Olentzero egongo da mendizaleen zain, eta omenaldia egingo diote Luis Padura eskultoreari, bera izan baitzen tontorrean dagoen eskultura egin zuena, duela 50 urte.
Amurrio Trailek antolatzen du ekimena, Montes Solidariosekin eta Euskal Mendizale Federazioarekin elkarlanean. Aurten, Afaraba elkartera bideratuko dute biltzen dute dirua.