Diana Ibargutxi sexologo eta psikologoak sexu trebakuntza eta aholkularitza zerbitzua eskainiko du Amurrion, Udalaren bitartez. Gazteria Arloak bideratutako egitasmoa da eta bi ardatz izango ditu.
Alde batetik, bi orduko bi saio presentzial prestatuko ditu Ibargutxik urtarrilaren 20an eta 27an, Kultura Etxean, 18:00etan. Parte hartzeko izena eman beharra dago gazteria@amurrio.org helbide elektronikoan edo 621 291 957 telefono zenbakian, urtarrilaren 18a baino lehen.
Adituak parte hartzaileen adinaren arabera egokituko ditu edukiak, baina, batez ere gorputzean, harremanetan, plazerean, identitateetan, adierazpenean, sexualitatean eta mitoak apurtzean zentratuko ditu edukiak. Horrez gain, gazteek galderak egiteko aukera izango dute.
Behin ekintza horiek amaituta, Laudioko adituak bere telefonoa zabalduko du nahi duenak zalantzak argitzeko erabil dezan, bai dei bidez zein Whatsapp mezuak baliatuta. Zehazki, ostiraletan emango du aukera hori 18:00etatik 20:00ak bitarte, Aste Santura arte.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
