Chock Dee borroka kirol klubak erronka handia izango du otsailaren 11ko asteburuan. Izan ere, Amets Domínguez, Azkain Menoyo, Aratz Casado, Valentín Shparkyi, Eder Gómez eta Aritz Gabiña kideek izena eman dute Laredoko Openean.
Ibai Ruiz klubeko arduradunaren ustez, aurtengo borrokalariak dira azken urteetan izan dituen indartsuenak, eta espero du hori aprobetxatzea eta islatzea Kantabrian lortuko dituzten emaitzetan. Kide batzuek jadanik eskarmentu handia daukate, nahiz eta oso gazteak izan.
Bestalde, Ruizek berak Kroaziara joko du asteburu horretan, Karlovac European Cup txapelketan borrokatzeko. Amurrioko kirolariak adierazi du lehiaketa horretan munduko borrokalari onenetako batzuek parte hartuko dutela.
Europako herrialde horretara bidaiatzeko laguntza ekonomikoa jaso du amurrioarrak eta babesle guztiei eskertu nahi izan die egindako ekarpena: Coplasva, Evanisteria Frontón, Aiarako Farmazia, Bar Aguirre, Bar Llarena, Bar Gernika, Serigrafías Iorgi eta Strong.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
