Desfile eta kalejirak egin dituzte gaur arratsadean Amurrioko zenbait eskolek Inauteriak ospatzeko. Zabaleko Eskolako ikasle eta langileak patioan bildu dira. Bertan egin dute desfilea, eta kalejiran abiatu dira gero, auzoko kaleetan barrena. Euskal inauteriak hartu dituzte gai moduan mozorrotzeko.
Mendiko Eskolan, aldiz, patioan garatu dute jardun guztia. Nekazaritza izan dute hizpide. Gauzak hala, alor horri lotutako elementu eta pertsonaiez mozorrotu dira haur eta irakasleak: barazkiez edota txorimaloz, besteak beste.
Aresketa Ikastolan, aldiz, zirku giroa izan da nagusi. Pailazo, mimo edota malabaristaz jantzi dira, eta herriko kaleetan barrena aritu dira kalejiran. Ondoren, desfilea egin dute Matias Landaburuko frontoian.
Gaur iluntzean amaituko dira Inauteriak. Horretarako, Kakarro Birigarro pertsonaia erreko dute Juan Urrutia plazan.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide