Laudioko Ertzain-etxeko agenteek drogra-trafikoaren aurkako operazioa egin zuten martxoaren 31n Amurrion. Polizia herriko bi tabernatan eta gazte-lokal batean sartu zen, polizia-txakurrez lagunduta, "txikizkako droga-salmenta detektatzeko eta horren kontra jarduteko", Ertzaintzak berak zabaldutako ohar baten arabera.
Poliziak berak zabaldutako informazioaren arabera, 14 lagunek jazo zuten salaketa martxoaren 31ko operazioan. Zazpi herritar ikertuak izan ziren ustezko droga-trafiko delitu bat leporatuta. Beste sei gazteri Herritarren Segurtasunerako Legea urratzea leporatu zien poliziak "leku publikoetan substantzia sorgorgarriak edukitzea eta kontsumitzea leporatuta". Azken salatua ostalaritza establezimendu bateko zerbitzaria izan zen.
Ernaik gogor salatu zuen polizia operazioa, "gazteak eta migranteak kriminalizatzea beste helbururik ez zuela" azalduz. Polizia agenteen "jarrera oldarkorra" ere salatu zuten gazte erakundeko kideek.
600 euroko isuna
Bi hilabeteren ostean, Ernaiko kide batek 600 euroko isuna jaso du operazio horretan esku hartzeagatik. Antolakundetik azaldu dutenez, lonja batean identifikatuak izaten ari ziren gazte batzuei laguntza eskaintzerakoan jaso zuen salaketa Ernaiko militanteak.
‼️Apirilaren hasieran, zipayoek Amurrioko kaleak hartu eta era oldarkor eta nazkagarri batean aritu eta gero, gazteen gorpuak miatu, identifikatu eta lonjetara sartu ziren.
— Ernai Aiaraldea (@ErnaiAiaraldea) June 8, 2023
Sarekada eta erasoen helburuak argiak izanik: Gazteak eta migranteak. pic.twitter.com/vFU9j5tLeX