Droga-trafikoaren aurkako operazioa burutu zuten martxoaren 31ko gauean Laudioko Ertzain-etxeko agenteek Amurrion "txikizkako droga-salmenta detektatzeko eta horren kontra jarduteko". Ertzaintza herriko bi tabernatan eta gazte-lokal batean sartu ziren, polizia-txakurrekin lagunduta.
Ertzaintzak berak zabaldutako informazioaren arabera 14 lagunek jazo zuten salaketa ostiral gaueko operazioan. Zazpi herritar ikertuak izatean ari dira ustezko droga-trafiko delitu bat leporatuta. Beste sei gazteri Herritarren Segurtasunerako Legea urratzea leporatu zien poliziak "leku publikoetan substantzia sorgorgarriak edukitzea eta kontsumitzea leporatuta".
Azken salatua, ostalaritza establezimendu bateko zerbitzaria izan zen. Ertzaintzak Herritarren Segurtasunerako Legea urratzea leporatu zion honi ere, "ostalaritza-establezimenduan substantzia sorgorgarrien kontsumoarekiko tolerantzia leporatuta".
Joan den asteburuan #droga-trafikoaren aurkako operazio bat egin genuen #Amurrio-ko ostalaritza-establezimendu batzuetan
— Ertzaintza (@ertzaintzaEJGV) April 3, 2023
https://t.co/IGOOa4qGXC
Dispositivo realizado el pasado fin de semana contra el tráfico de #drogas en establecimientos hosteleros de #Amurrio pic.twitter.com/FesI7fIOxf
Laudioko Ertzain-etxetik zabaldutako informazioaren arabera 150 gramo marihuana, 40 bat gramo haxix eta 10 bat gramo anfetamina, atzeman zituzten Amurrioko operazioan, baita doitasun-balantzak, substantzien dosiak prestatzeko poltsak eta sukaldeko labana bat ere.
Ernairen salaketa
Lekukoen arabera, askoz gehiago izan ziren polizia operazioan identifikatutako herritarrak. Ernai gazte antolakundeak bere aldetik Ertzaintzaren jarduna eta inpunitatea salatu ditu:
Azken egunetan zipayoek eskualdeko kaleak hartu dituzte era oldarkor eta nazkagarrian.
— Ernai Aiaraldea (@ErnaiAiaraldea) April 2, 2023
Gazteen gorpuak miatu, identifikatzera behartu eta lonjetara sartu dira inpunitate osoz. Beste behin ere, gazteak jo puntuan jarriz eta hauek kriminalizatuz.#DenokGorrotoDuguPolizia pic.twitter.com/nPHg4O7Jxj
Operazio gehiago azken hilabetean
Amurriokoa ez da Laudioko Ertzain-etxetik azken hilabetean bideratutako gisa honetako polizia-operazio bakarra izan. Martxoaren erdialdean Ertzaintza Laudioko bi tabernatan sartu zen eta zigor aktak egin zizkien 20 laguni, eta otsailean beste bi herritar inputatu zituen drogen kontsumo eta salmentaren ondorioz, beste taberna batean operazioa egin ostean.