Ekainaren bigarren astean jakinarazi zuten EAJk eta PSE-EEk elkarrekin gobernatuko zutela Amurrion eta berriki zehaztu dituzte zein ardura izango dituen alderdi bakoitzak.
Alde batetik, EAJk honako ardurak hartuko ditu bere gain:
- Herri segurtasuna, langileak eta herritarren arreta
- Kirola eta Administrazio Batzarrak
- Hirigintza, ingurumena eta ekintzak
- Berdintasuna
- Euskara, hezkuntza eta gazteria
- Parte hartzea, komunitate garapena, ekonomia sustapena, nagusiak eta enplegua
- Obrak eta zerbitzuak
- Kultura, jaiak eta Antzokia
Bestetik, PSE-EEren esku honakoak geratuko dira:
- Ogasuna eta aurrekontuak
- Gizarte ekintza
Bi alderdiek akordio orokor eta zabalagoak dituzte EAEn, eta adierazi dute euren oinarria izango direla kohesio soziala, zerbitzu publikoak, ongizatea edota zaintza.
Programa akordiotik harago, 150 ekintza izango dituzte ardatz. Horien artean daude nagusientzako jantoki proiektua garatzea, urtero enplegu azoka antolatzea, haur-eskolak birgaitzea edota Zaintza Erdigunean programa egikaritzea. Jarduera horiekin guztiekin osatuko dute legealdi plana.