Partzuergoko langileen desplazamentu kopuru handiari aurre egiteko berehalako neurriak behar direla nabarmendu dute gaur goizean LAB, ESK, STEILAS, EHNE eta HIRU erakundeek Eibarren.
Elkarretaratzea egin dute Haurreskolak Partzuergoaren aurrean, aldarrikatzeko bidaiak murrizteko egindako proposamenak berehala indarrean jartzea. Hau da, ordezkagunea, permutak eta leku aldatzeak.
Langileen antolakundeen mobilizazioaren pizgarria asteartean Amurrion gertatutako istripu hilgarria izan da. Hezkuntza erakundearentzat ordezkapen bat egitetik etxera itzultzen ari zela hil zen 32 urteko gizonezko amurrioarra.
Heriotzak eragin handia izan du eskualdean, ezaguna baitzen gaztea esparru ezberdinetan, baina, batez ere, kirolean. Atzo izan zen bere agur zeremonia Gasteizen eta gaur, ordea, elizkizuna izango da hiriburu arabarrean, San Francisco Javier parrokian, 19:30ean.
LAGUN AGURGARRIA:
Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
