Urriaren 21ean itzuliko da ringera Ibai Ruiz eta Iberiako Iska Txapelketa egongo da jokoan

Aitor Aspuru Saez 2023ko irailaren 28a

Ibai Ruizek aukera garrantzitsutzat jo du urriaren 21eko borroka.

Borroka irabaziko balu, Ruizek aukera izango luke Europako Iska Txapelketa lortzeko.

Duela zenbait hilabete, antolakuntzako zenbait kiderekin esperientzia txarrak izan ostean, Ibai Ruiz amurrioarrak iradoki zuen K-1 diziplinako borroka profesionalak utziko zituela.

Ordea, Thailandian egindako hiru dueluen ondoren eta horiek utzitako zapore gozoarekin, Ruizek urriaren 21ean Bilboko La Casilla Kiroldegian borrokatzea onartu du.

Erronka garrantzitsua izango du amurrioarrak, Vasco Pinto portugaldarrekin lehiatuko baita Iberiako Iska Txapelketa lortzeko. Gerriko hori eskuratzeak eskubidea emango lioke Europako Txapelketan aritzeko.

"Aukera ona eman didate eta espero dut Aiaraldeko jende pilo etortzea ikustera. Animoak behar ditut borroka honetan eta sarrerak saltzea garrantzitsua da gaubelarako. Ez nuen Vasco Pinto ezagutzen, baina bere borrokaren bat ikusi dut eta ona da", adierazi dio Ruizek Aialadea Komunikabideari.

Txapelketa gehiago lehian

Amurrioarra ikusteko sarrera erosten dutenek bestelako norgehiagokak ere izango dituzte gozagarri. Hain zuzen, Andoni Gago boxeolari bilbotarraren azken borroka egongo da, Naiara Olmedo bizkaitarra Espainaiko Txapelketa bereganatzeko igoko da ringera, Giorgi Bazanov boxeoan arituko da -ohikoan Kick Boxingean egiten du- eta Arkaitz Ramos 'Gudari' MMAra itzuliko da.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide