Gaur hasiko dira Aztarnaren II. Jardunaldi Etnografikoak

Aimar Gutierrez Bidarte 2023ko urriaren 3a

Babioko Burdin Aroko herrixkaren inguruko hitzaldia eskainiko dute ostegunean. / Aranzadi Zientzia Elkartea

Gaur arratsaldean abiatuko da Aztarna Etnografia Elkarteak antolaturiko jardunaldien bigarren edizioa. Doako hitzaldiak izango dira, eta orotariko gaiak landuko dituzte.

Iaz egin bezala, Jardunaldi Etnografikoak antolatu ditu berriro ere Aztarna Etnografia Elkarteak. Urriaren 5era arte luzatuko dira hitzaldiak. Ponentzia guztiak Amurrioko Katekesi Aretoan eskainiko dituzte 19:00etatik aurrera eta sarrera doakoa izango da.

Jesus Mari Garaio laudioarrak inauguratuko ditu Jardunaldiak. Garaiok Baranbiok Arlamendin duen haztegi baten inguruan ikertu du luze, eta bere lanaren emaitzak aurkeztuko ditu, gaur arratsaldeko ponentzian. Asteazkenean Jabi Aspuru Amurrioarraren txanda izango da. Aspuruk Aiaraldeko kartografiaren historiaren gaineko birpasa eskainiko du.

Azkenik, jardunaldiei amaiera emateko Babioko kastroa izango dute aztergai. Ostegunean Jon Obaldia arkeologoa Babio mendiko aurkikuntzen inguruan mintzatuko dira. Hain zuzen ere Burdin Aroko herrixka bat industen ari dira bertan. Honezkero bost kanpaina egin dituzte, eta aurten herrixkaren defentsa sistema ikertzen egin dituzte ahaleginak.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide