Gizarte Segurantzaren Amurrioko bulegoa irekita berriz, hiru urteren ostean

Txabi Alvarado Bañares 2023ko azaroaren 6a

Landako kalean dago Amurrioko bulegoa, eta hiru urte baino gehiago eman ditu itxita. / EH Bildu Amurrio

2020ko otsailean itxi zituen bulegoak ateak, Guardiakoarekin batera.

Pertsiana igo du Espainiako Gizarte Segurantzaren Amurrioko bulegoak, hiru urte baino gehiago itxita eman ostean.

Iragan astean iragarri zuen Denis Itxasok bulego hori eta Guardiakoa berrirekiko zituztela. Espainiako Gobernuko ordezkariak barkamenak eskatu zituen azpiegitura itxita egoteak eragin dituen dituen "arazo burokratikoengatik".

Bulegoa lanegunetan egongo da zabalik 9:00etatik 14:00etara bitartean. Aldez aurretiko hitzordua hartu beharko dute herritarrek nahitaez, Gizarte Segurantzaren egoitza elektronikoaren bidez.

Hiru urte baino gehiago itxita

2020ko otsailetik daramate Amurrioko zein Guardiako bulegoek itxita; hau da, pandemia hasi baino lehenagotik. Bi bulegoetako langileek beste plaza batzuetan lan egiteko hautua hartu zuten, eta ez zen "ordezko egokirik" topatu. Horregatik egon dira itxita, orain arte.

EH Bilduk mozioa aurkeztu zuen Amurrioko Udalean 2021ean, bulegoaren berrirekitzea eskatzeko.

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide