Joseba Sarrionaindia izango da Onomastika topaketetako gonbidatua, besteak beste

Erredakzioa 2023ko aza. 8a, 13:33

Joseba Sarrionaindiak larunbatean eskainiko du hitzaldia. / Zuzeu.eus

Aztarna Etnografia Elkarteak Onomastika Topaketen V. edizioa antolatu du asteburu honetarako. Bi egunez hainbat hitzaldi eta gonbidatu izango dira Katekesi Aretoan, izen eta toponimoen atzean gordetzen den historiaren inguruan mintzatzen.

Aztarna Elkarte Etnografikoak Onomastika topaketen edizio berria prestatu du asteburu honetarako. Azaroaren 10ean eta 11n hitzak eta izenak aztertuko dituzte, "historiaren eta bizitzaren lekukoak" direlako. Hainbat hitzaldi aurkeztuko dituzte horretarako, zenbait hizlariren eskutik.

Amurrioko Katekesi Aretoan egingo dituzte jardunaldiak. Ostiralean 17:00etan inauguratuko dute topaketa. Aitor Aspiazu, Josu Larrañaga, Jesus Mari Garayo eta Amagoia Gezuraga arduratuko dira lehenengo egunean onomastikaren inguruko euren ikerketak azaltzeaz.

Larunbatean 10:15ean ekingo diote egunari. Bigarren saio honetan David Peterson, Joseba Sarrionaindia, Joxemari Sestorain, Iago Irixoa eta Mila Gabiola izango dira hizlari nagusiak. Horrez gain, Enusquera Elkartearen aurkezpena ere eskainiko dute.

Egitarau osoa hemen kontsultatu daiteke.

Joseba Sarrionaindia bigarrenez Aiaraldean

Gogoratu beharra dago Joseba Sarrionaindia durangarrak ez duela lehenengo aldiz Aiaraldea bisitatuko asteburu honetan. Izan ere, Faktoriako oholtza hartu zuen iaz Ines Osinagarekin batera, Olatu arteko txalupa arraroa taularatzeko.

Kultura Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.

Izan bazkide