10 urte beteko ditu Amurrioko Gaztetxeak 2024an, eta horri begira motorrak berotzeari ekin diote dagoeneko Gazte Asanbladako kideek. Bideoa plazaratu dute gune autogestionatuak egun barnebiltzen dituen espazio eta ekimenak bistaratzeko, eta iragarri dute urtarrilaren 20an egingo dute urtemuga ospatzeko jai nagusia, "Belaunaldiz belaunaldi haziak loratu arte!" lemapean.
Datorren larunbatean -abenduak 2- aurkeztuko dute jaiaren kartel osoa. Agerraldia egingo dute horretarako goizeko hamaiketan, Gaztetxean bertan.
2014an aurkeztu zuen Amurrioko Gazte Asanbladak San Jose auzoko kultur etxean Gaztetxea atontzeko proiektua, aurreko urteetan hainbat mobilizazio eta okupazio saiakera egin ostean. Ordutik hona bertan garatu da gune autogestionatua, beste elkarte batzuekin elkarbizitzan, eta hainbat proiektu garatu dituzte lau pareten artean, entsegu, argazkilaritza edo ikasketa gelak kasu.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide