Kopako finala Aiaraldean

"Athletic oso oso prest dago finala irabazteko"

Aimar Gutierrez Bidarte 2024ko apirilaren 4a
Deskargatu Info Ahotsak :

1999an sortu zuten Amurrioko zaleen Peña. Argazkian, La Otxoarekin ateratako talde argazkia.

Amurrioko zaleak Sevillaraino bertaratu dira Athletic animatzeko asmoz. Bidaiaren nondik norakoak aletu ditu Luis Izagirrek, Etxegoien Peñako kideak.

Nola jarraituko duzue larunbateko finala?

Amurrioko Etxegoien Peñako hamaika kide Sevillara etorri gara Athletic animatzera. Ez dugu estadioan sartzeko sarrerarik, baina animatu egin gara Peñen Federazioak egindako deialdira.

Athletic Hirian egongo gara ziurrenik, bertan egongo den giroaz gozatuz. Berrehun metroko barra bat jarri dute. Hori gutxi da Bilbotik gertu bizi garenontzat, baina moldatu beharko gara (barreak).

Autobusez egin dugu bidaia, eta gainerako peñekin batera alde batetik bestera ibiltzea da gure asmoa. Sevilla hain dago jendez gainezka, Huelvan hartu behar izan dugula ostatua.

Athleticek irabaztekotan, nola ospatuko duzue?

Itxaron beharko dugu, behin betiko emaitza jakin arte ezin da ezer prestatu. Joan gaitezen urratsez urrats.

Zer nolako finala aurreikusten duzue?

Athletic oso oso prest dago finala irabazteko. Partidua irabazita goaz Sevillara, konbikzio osoz. Bestela? Zertarako joan?

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide