Maiatzaren 3an izan zen Kaos Fighter borrokaldia Bilboko La Casillan eta Jon Garciak ('Jon Ghar'' ezizenez ezaguna) bere hitzorduan irabazi zuen. Horri esker, gerrikoa eraman zuen etxera. Berez, Muay Thai diziplinan lehiatu zen amurrioarra.
Kaos Fighter egitasmoko hamar borroka amateur kategoriakoak izan ziren, Garciarena barne. Beste zazpi, aldiz, profesional mailakoak izan ziren.
Profesionalen artean Ibai Ruiz amurrioarra (Jon Gharen irakaslea) ringera igotzea zegoen aurreikusita, Espainiako Txapeldunaren titulua eskuratzeko. Baina Ruizek lesioa izan zuen eta ezin izan zuen borrokatu. Edonola ere, aurrerago, osatzen denean, aukera izango du titulua lortzeko.
Garciarentzat bigarren garaipena izan da tarte txikian. Izan ere, urrezko domina eskuratu zuen Cazalegaseko Open Iberiarrean martxoaren amaieran.
LAGUN AGURGARRIA:
Bisitatzen ari zaren web-gune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.
Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.
Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.
Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.
Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.
Faktoria izan, egin zaitez bazkide.
Aiaraldea Hedabideko lantaldea.
Izan bazkide
