Donibane Lohitzuneko hilketa matxista salatu dute Amurrion

Erredakzioa 2024ko mai. 8a, 22:00
Deskargatu Info Ahotsak :

Juan Urrutia plazan egin dute elkarretaratzea. / Aimar Gutierrez Bidarte

Euskal Herriko hainbat udalerritan egin ditu mobilizazioak Euskal Herriko Mugimendu Feministak.

Mobilizazioak egin ditu Mugimendu Feministak hainbat udalerritan, Euskal Herrian aurten jazotako lehen hilketa matxista salatzeko. Amurrion gaur arratsaldean egin dute elkarretaratzea, Juan Urrutia plazan. 

"Maiatzaren 3an, Donibane Lohitzunetik iritsi zitzaigun berri lazgarria; hotel batean 34 urteko emakumea indarkeria zantzuekin hilda agertu zen", kontatu dute antolatzaileek plazan bildutakoen aurrean. Horren aurrean, babesa eta elkartasuna helarazi diete hildakoaren "senide, lagun eta gertukoei", eta nabarmendu dute epaileek ezin dituztela "babesgabe" utzi horrelako indarkeria kasuak pairatzen dituzten emakumeak. "Kasu hau bezalakoekin, argi geratzen da egungo justizia ereduak ez duela funtzionatzen". 

Horrez gain, nabarmendu dute indarkeria matxistak "hamaika aurpegi" dituela eta "sistema heteropatriarkal, kapitalista, arrazistak eta kolonialak egituraz sostengatzen duela". Horren aurrean, aldarrikatu dute indarkeria mota hori "lehen mailako arazo politikotzat" hartu behar dela, eta "autodefentsa feministarako deia" ere luzatu dute.  

Jendartea Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide