Athleticek irabazitako Errege Koparekin argazkiak egiteko aukera egongo da bihar Basarten

Aitor Aspuru Saez 2024ko maiatzaren 30a
Deskargatu Info Ahotsak :

Joseba Urruela izan zen kopa ukitu zuen lehen aiaraldearra.

12:30etatik 18:00ak arte egongo da garaikurra Basarteko futbol zelaian.

Athletic Clubak Bizkaiko eta inguruko hainbat klubei eman die aukera Sevillan irabazitako Errege Kopa hartzeko, eta ostiralean helduko da Amurrio Clubaren txanda.

12:30ean egongo da garaikurra Basarteko futbol zelaian eta athleticzaleek parada izango dute argazkiak egiteko 18:00ak arte.

Hori bai, zaleek ezingo dute kopa bere oinarritik mugitu ezta ukitu ere, eta objektua Athletic Clubeko langile baten ardurapean egongo da uneoro.

Hurrengo egunean, ekainaren 1ean, Athletic Clubeko emakumeek SD Eibarren kontra jokatuko dute Basarten bertan.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide