Athletic Club eta Eibar taldeen arteko partidan omenduko dute Iker Larrazabal

Aitor Aspuru Saez 2024ko mai. 29a, 16:00
Deskargatu Info Ahotsak :

Astelehenean Urduñan jaso zuen Larrazabalek omenaldia. / Urduña Pilotazale Elkartea

Urduñan jaso zuen aitortza astelehenean pilotariak, eta lagunarteko euskal derbian ere gogoratuko dute buruz buruko Serie B txapelduna izan dela.

Larunbatean jokatuko dute Athletic Club eta SD Eibar emakumezkoen taldeek lagunarteko euskal derbia, lehiaketa ofizialak etenaldia egingo duela baliatuta. Hitzordua doan izango da 12:00etan Basarten eta Ohorezko sakea Leire Egia Arriola amurrioarrak egingo du, 2019tik 2023ra bitartean Ibaiganeko klubeko jokalaria izan baita harrobiko zenbait taldetan.

Edonola ere, norgehiagokaren atsedenaldian Iker Larrazabal pilotari aiararrak jasoko du omenaldia, larunbatean Serie B buruz buruko txapelketa irabazi baitzuen.

Ez da izango gazteak jasoko duen lehen aitortza eskualdean. Izan ere, Urduña Pilotazale Elkarteak astelehenean omendu zuen entrenamenduak hasi baino lehen, klubeko umeak trebatzen baititu.

Kirola Amurrio

LAGUN AGURGARRIA:

Bisitatzen ari zaren webgune hau euskararen normalizazioaren alde Aiaraldea Ekintzen Faktoria proiektu berrituak garatzen duen tresnetako bat da.

Euskarazko hedabideak sortu eta eskualdean zabaltzeko gogor lan egiten dugu egunero-egunero langile zein boluntario talde handi batek.

Hedabide herritarra da gurea, eskualdeko herritarren ekarpen ekonomikoari esker bizi dena, jasotzen ditugun diru-laguntzak eta publizitatea ez baitira nahikoa proiektuak aurrera egin dezan.

Herritarra, anitza eta independentea den kazetaritza egiten dugu, eta egiten jarraitu nahi dugu. Baina horretarako, zure ekarpena ere ezinbestekoa zaigu. Hori dela eta, gure edukien hartzaile zaren horri eskatu nahi dizugu Aiaraldea Ekintzen Faktoriako bazkide egiteko, zure sustengua emateko, lanean jarraitu ahal izateko.

Bazkideek onura eta abantaila ugari dituzte gainera, beheko botoian klik eginda topatuko duzu informazio hori guztia.

Faktoria izan, egin zaitez bazkide.

Aiaraldea Hedabideko lantaldea.


Izan bazkide